Народный фольклорный коллектив «АЗЕРЫЦА» | КУЛЬТУРА ГОРОДОКЩИНЫ

Народны фальклорны калектыў “Азерыца”(кіраўнік Жанна Комава)  Езярышчанскага гарпасялковага Дома культуры створаны у 2004 годзе.  Ён аб’ядноўвае шчырых прыхільнікаў беларускай песні і музыкі, старадаўніх танцаў і фальклорных традыцый роднага краю. У 2006 годзе яму прысвоена ганаровае найменне “народны”.

         Дзейнасць фальклорнага калектыва “Азерыца” скіравана на адраджэнне нацыянальнай культуры,  развіццё самадзейнай творчасці,  папулярызацыю народнай песні і музыкі, выкарыстанне лепшых узораў музычнага, танцавальнага фальклору, вуснай паэтычнай творчасці пры правядзенні святаў народнага календара і абрадаў. Значная частка музычных твораў, што складаюць аснову рэпертуару  “Азерыцы” запісаны ад старэйшага ўдзельніка  калектыву Рыгора Данілавіча Бацюлёва  – носьбіта аўтэнтычнага фальклору, сапраўднага  народнага музыкі.

       Калектыў прымае ўдзел у абласных фестывалях, аглядах і конкурсах. “Азерыца” паказала сваё майстэрства на абласным аглядзе — конкурсе фальклорнага мастацтва дзяцей і моладзі “Ад прашчураў да зор”, стала лаўрэатам  Міжнароднага фальклорнага фестывалю імя В.Сяргеевай  у горадзе  Усвяты  Пскоўскай вобласці  Расійскай Федэрацыі. Значнай падзеяй у жыцці ансамбля стаў удзел  у V Міжнародным фестывалі традыцыйнай культуры “Покуць -2010” у горадзе Харкаве (Украіна) і інш.