5 чэрвеня у Гарадку адбудзецца раённае свята народнай творчасці, беларускай паэзіі і фальклору “Гарадоцкі Парнас- 2016” | КУЛЬТУРА ГОРОДОКЩИНЫ

   5 чэрвеня  у Гарадку адбудзецца раённае свята народнай творчасці, беларускай паэзіі і фальклору “Гарадоцкі Парнас- 2016”. У восьмы раз ладзіцца яно у гонар знакамітага земляка, аўтара паэмы «Тарас на Парнасе» Канстанціна Вераніцына.  Праграма свята абяцае быць, як заўжды, цікавай і насычанай.

Распачнуцца ўрачыстасці ля помніка герою паэмы, дзе пройдзе акцыя “Чытаем паэму разам”, а таксама будзе дадзены старт велапрабегу па маршруце  “Гарадок-Астраўляны”. Яго удзельнікі  пабываюць на радзіме К.Вераніцына, змогуць бліжэй пазнаёміцца з гісторыяй , паўдзельнічаць у цікавых віктарынах, конкурсах, пачаставацца стравамі нацыянальнай кухні на спецыяльных тэматычных прыпынках падчас велепрабегу.

Асноўныя ж падзеі свята развярнуцца ў дзіцячым парку. Там размесціцца “Кірмаш ля Парнаса”   з выставай  шыкоўных вырабаў народных майстроў Гарадка, Полацка і Ліёзна, продажам сувенірнай прадукцыі, майстар-класамі па унікальных рамёствах.

Шмат цікавага і займальнага прапануюць удзельнікам свята    “Гасцінныя панадворкі” —  аформленыя у нацыянальным стылі пляцоўкі з гульнямі, забавамі, выступленнем самадзейных артыстаў і частаваннем адмысловымі стравамі беларускай кухні. У арганізацыі работы пляцовак прымуць удзел сельскія Саветы раёна, а таксама  ААТ “Птушкафабрыка-Гарадок” і каледжы города.

На галоўнай канцэртнай пляцоўцы адбудзецца выступленне знакамітых паэтаў і творчых дзеячаў , а таксама вялікі канцэрт лепшых творчых калектываў  горада і раёна, а таксама народнага хора “Світанак” Шумілінскага Цэнтра культуры і  вакальнага калектыва “Надзея” з горада Усвяты Расійскай Федэрацыі.

Адным словам, будзе цікава, весела і шчыра.

Запрашаем усіх наведаць “Гарадоцкі Парнас”!